الامثال الشعبية الليبية

هذي مجموعة من الامثال الليبية حيبت انشاركم بيها واتمنى تعجبكم ولا تبخلوا عليا برأيكم وتعليقاتكم واذا في اي كلمة غير واضحة انا جاهزة للتوضيح
[right]الأمثال الشعبية الليبية
1- ما هم إلا هم السلفة أما الحماة ماشية منتلفة (منتلفة = رايحة بلا رجعة دليل على الموت)
2- وين عاش مشتاق لبلحة ولما مات علقوله عرجون ( بلحة = تمر )
3- اللى يكثروا فلوسه تشيان مرته ويضيق حوشه ( تشيان = تصبح غير جميلة , حوشه = بيته , مرته = زوجته )
4- الربيع من فم الباب يبان ( دليل على أن الشئ الجميل واضح لا يحتاج لشخص يوصفه )
5- ما تقولوش حميدة روح لين يقول الباب زيو ( دليل على أن لا تقول للشئ حدث إلا بعد التأكد من ذلك )
6- اللى يخونها ذراعها تقول أنى مسحورة
7- يا مزوق من بره شنو حالك من داخل ( مزوق = متزين , شنو = كيف )
8- الجمل مايشوفش عوج رقبته ( يقال للشخص الذي يرى عيوب الناس ولكن لا يرى عيوبه )
9- على قد بساطك مد رجليك
10- العريس يتعرس والمشوم يتهرس ( دليل على أن العريس يرتاح و أهله من يتعب في العرس )
11- أطول من ليلة بلا عشي
12- أطلقها بالعين وتبعها بالجرة ( تبعها بالجرة = يمشي وراها )
13- مشيت للبحر نشكي من كبر هبالي .. حتى البحر وخّر ووجعه حالي ( هبالي = جنوني , وخر = بعد )
14- اللي واخذ على طعامك ، وين يشبحك يجوع ( يشبحك = يشوفك )
15- كل شئ تلقاه في السوق إلا أمك وبوك
16- اللي يحب روحه ، يقعد بروحه
17- يا عيون مصبركم على غاليكم ... كيف ترقدوا نوم الهنا ويجيكم (ترقدوا = تناموا )
18- فيه من كلامه مستكه وقرنفل ، وفيه من كلامه حار زي الفلفل ( مستكة = نوع من العطور المعروفة في ليبيا )
19- قال للقبر ردلي بوي ... قالّه أنا نستنى فيك (ردلي = رجع لي )
20- دير المليحة يا ولد وأنساها ... كان عشت على طول الزمان تلقاها
21- لو كان نشكي للنجوم يغيبوا ، البحار تـنزح والصغار يشيبوا
22- دخانك عماني ... وطبيخك ما جاني
23- شعيرك ولا قمح الناس
24-تحزمت بيكم درتكم في عوني نحساب حملي خفّ ... ثقلّـتونــي ( تحزمت = تقويت , نحساب = ظنيت )
25- الودن تسمع والعقول توازن ... والعين تشبح والقلوب مخازن ( الودن = الأذن , تشبح = تشوف )
26-اللي طلب يُطلب الله هو كريم المعاطي ، والعبد شنو قدره لا يشيّعـك لا يواطي ( لا يشيعك لا يواطي = لا يرفعك ولا ينزلك )
27- الصبر لله والرجاء في المولى ، مع الصبر ما عندي كلام انقوله
28- واحد يحلّـك من أقفال حديدك ، واحد على هـمّ الزمـان يزيـدك (يحلك = يخلصك )
29- خيرلك تبع ولد دمّـه وافي ، يعطيـك صبّاطـه ويمشـي حافـي ( صباطه = حذائه , تبع = ترافق أو تصاحب )
30- كان طابت النية الحوش يحمل مية ( طابت النية = صفت النية , الحوش = البيت )[https://i.servimg.com/u/f42/12/42/20/87/th/02410.gif[/img][/url][/img][img][/img]